Duidelike raaisels en diftige ghwarras

• Duidelike raaisels en diftige ghwarras is die produk van ’n skryfprojek by skole in die Noord- en Wes-Kaap.
• Baie van die stories wat uit hierdie skole kom is hartverskeurend en klink eerder soos ’n verslag wat op ’n maatskaplike werker se lessenaar hoort
• Dit klink partykeer meer ongeloofwaardig as fiksie.
• Daarom skryf leerders eerder die één ding neer wat hulle lewens meer pret maak.
• Hulle trek mekaar se siele uit deur tart- en tergrympies.
• Hierdie grappies en rympies staan bekend as ghwarras. 
• Die woord ghwarra is van Koi-oorsprong, soos ons aantref in die woord ghwarriebos met die ghw-klapklank.
• Om te ghwarra beteken om te terg, uit te koggel of te pla, soos in die sin: “Haar boetie ghwarra haar.” 
• Hierdie versameling van rympies en ghwarras gaan jou beslis aan die lag hou!

• Hier is ’n paar voorbeelde:

Julle se huis is so heilig . . .
. . . julle se kakerlakke loop met dik Bybels rond
Unitsa Papier, Graad 7AL

Jy is so lelik . . .
. . . as die wind na jou toe waai, change dit direction.
Michle & John Damonse – Ebenezer Primêr

Groot neusgatte soos . . .
’n moegoe perd.
Ranwill Tieties, Graad 7EW – Laerskool Westerkim

Jou skurwe hake soos . . .
boerebuskuit

• Keano Alexander, Graad 7HK